المملكة منذ تأسيسها بيد المغفور له بإذن الله الملك عبد العزيز وقضيتها الأولى هي قضية فلسطين وتولى هذه المهمة من بعده أبناؤه
القدس تصرخ ياملكنا تناديك
انت لها من بعد كثروا عداها
اللي بها ماتخيب فيهم هقاويك
يمك نظرها صبحها وفمساها
انت حبيب الشعب كايد معاديك
ذخر السعود اللي ينومس نباها
معروف بالجزله معود اياديك
وتمشي الامور الثانيه في سراها
ودايم فدرب الخير تدرج خطاويك
حارب دعاة الشر واكسر عصاها
الشعب كله ياملكنا حواليك
والشاهد الله رضاك غاية مناها
انت لها والكايده صعب تعضيك
انت لها من بعد دارت رحاها
حنا معك ونعادي اللي يعاديك
ناس(ن) نوتك ب شر نلعن ثواها
جعل العيون اللي تودك ماتبكيك
انت زعيم العُرب رافع لواها
وفقك رب الكون واصل مساعيك
ماتضيع دعوة حق وانت وراها
حسن عابد الفارسي
(
(