
قصيدة مهداة من الشاعر عبد الله بن محمد أبو ستين المولد إلى الشاعر حسن بن عابد الفارسي
شعري لفاني ورث ماهو بملقاط
ياللي تنشّد كيف صغت الكليفه
اليا بدعته ما يجي فيه الاسقاط
مرفوع عن بعض الهروج السخيفه
اللي ..يغنيها المهابيل .. الافقاط
و وجيهم بين النشاما كسيفه
الله عساهم بالسدارا هل الغاط
والله عساهم للرجف والرجيفه
والله عساهم للنكاده والاحباط
والله عساهم بالخشب والصريفه
والله عساهم دايم الدوم فرباط
وعيونهم تُعمى وتصبح كفيفه
وانا طلبت الجزل يومي على الشاط
و سجلت هاجوسي بأرقى وظيفه
صفّت لي بيوت الشعر صف ضباط
و اخذت منها الشامخات المنيفه
في مدح رجلٍ حكمته مثل سقراط
واحسن بعد ياهل القلوب النظيفه
شاعر قديد اللي خذا كل الانواط
يشهد له الوادي شريف وشريفه
حسن زبون المرجله زين الانباط
يا جعل ناصل من مداه النصيفه
يهّل .. وبله خير ماهو .. بنقّاط
مَد .. السمان ولا يمد .. الخفيفه
ومدحي فبو عابد ابد ماهو اهياط
ولاهو على ما قيل حاجه طريفه
رجلٍ وله بين الرياجيل مقلاط
حامي مواقيفه بشعره وسيفه
له منزله فالعال ماهي فالاوساط
وعسف الصعب تاتي على كيف كيفه
يحفظه رب الكون من كل خراط
ويحفظه ربي من نفوسٍ ضغيفه
اهل الردا وذواحهم ريحت اشياط
ان شفتهم انسان في شكل جيفه
ويطري عليه للزلامي فالاشطاط
بيتين دعوه جات حسب الوصيفه
يا جعل يلقطهم من القاع لقّاط
ومن الغضب تنزل عليهم قذيفه
تضرب جماجم روسهم ضرب مخباط
لين الوليف يقوم يلعن وليفه
16 comments
16 pings
Skip to comment form ↓
عبدالرحيم القريقري
01/08/2019 at 3:48 ص[3] Link to this comment
صح لسانك يابوستين
عبدالله محمد ابوستين
04/08/2019 at 9:11 ص[3] Link to this comment
صح بدنك يا سيدي لا عدمناك ??
عوض الخرماني
01/08/2019 at 4:12 ص[3] Link to this comment
صح لسانك دايم تسعدنا بجمال قصايدك
ابدعت ياابو محمد.. عبدالله محمد ابوستين شاعر مبدع
والشاعر الكبير حسن عابد الفارسي يستاهل المديح مهما نقول فيه من شعر او مدح لن نوفيه حقه….. (صقر حرب)
عبدالله محمد ابوستين
04/08/2019 at 9:12 ص[3] Link to this comment
صح بدنك يا أبا طلال .. لا عدمناك .. الابداع منبعك يالراقي ??
حمندي
01/08/2019 at 9:06 ص[3] Link to this comment
الله عساهم بالخشب والصربفه
الله الله الله على الابداع والتميز
عبدالله محمد ابوستين
03/08/2019 at 4:08 ص[3] Link to this comment
الابداع هو مرورك العاطر.. ومنبعك
والتميز عادة سموك يالراقي ??
Yasir
01/08/2019 at 1:58 م[3] Link to this comment
صح لسانك ياشاعرنا عبدالله المولد متميز ومبدع دائما
عبدالله محمد ابوستين
04/08/2019 at 9:13 ص[3] Link to this comment
صح بدنك يا سيدي.. لا عدمناك .. التميز والإبداع منبك يا الامير ??
حسن الفارسي
01/08/2019 at 9:21 م[3] Link to this comment
صح لسانك
ومعليك زود
شاعر متمكن تعجز الحروف عن صياغة قصيدة رد على هذه المعلقه
كل الشكر والتقدير مرة بعد مرة
واتمنى ان أكون عند حسن ظنكم وخيرا مما تظنون بي?♥️
بيض الله وجهك ووفقك لِما يحب ويرضى♥
حسن ابو عابد
عبدالله محمد ابوستين
03/08/2019 at 4:09 ص[3] Link to this comment
صح بدنك يا أبا عابد .. وشهادتك تاج على راسي .. وانته تستاهل دواوين وليس قصيدة .. ادامك الله وحفظك ??
حسن حميد الحربي
01/08/2019 at 10:30 م[3] Link to this comment
يستاهل الشاعر حسن عابد الفارسي التكريم ومنها الى الاعلى
عبدالله محمد ابوستين
04/08/2019 at 9:13 ص[3] Link to this comment
??
علي عامر الخرماني
04/08/2019 at 2:43 م[3] Link to this comment
صح لسان ويستاهل ابو عابد
عبدالله محمد ابوستين
08/08/2019 at 8:37 ص[3] Link to this comment
صح بدنك لا عدمناك ??
حسن حميد القريقري (ابو مشعل)
05/08/2019 at 8:43 م[3] Link to this comment
صح لسانك يا عبدالله بن محمد ابو ستين
شاعر مميز ويمتاز شعرك بالذوق الرفيع
ونرجو لكم التوفيق
عبدالله محمد ابوستين
08/08/2019 at 8:36 ص[3] Link to this comment
صح بدنك الاستاذ حسن حميد القريقري والتميز هو سموك الراقي وذوقك العالي ??